أمى ياما قالت هوا الوقت بيجرى
فهمت با أمى لما لقيت إبنى على حجرى
قدامها أصدقها تقولى لسة صغيرة
وقدام إبنى ألاقينى متحيرة
هو أنا ولا الدنيا اللى متغيرة؟؟
وحشنى أبويا والقعدة على حجره
وكنت أقوله إنى تقيلة على رجله
يسرح وأقوله بتفكر فى ايه
يضحك وأكشر ما بيردش ليه
وألاقى إيده تطبطب عليه وإيديه تطبطب عليه
فهمت با أبويا كنت بتضحك ليه
وفهمت حبيبى بيسرح ليه
يفكر يكشر
أسأل ... يضحك
أطمن ... يفرح
ومسألش ليه
مانا كبرت وفهمت الحمل اللى عليه
فهمت لما شفت نفسى بنته فى عينيه
ولما سمعت أبويا فى حلمى بيقوله ايه
هو أنا ولا الدنيا اللى متغيرة
ده أنا فيها الكبيرة والصغيرة
كبيرة لما أسمع اللى يقولى يا أمى
وصغيرة عند حبيبى وأبويا وأمى
هايلة :-)
ReplyDelete